Azərbaycan idmançıları: Ali Baş Komandanın və müzəffər ordumuzun arxasındayıq

İdman / 16.07.2020 20:13

Bir qrup idmançı Ermənistan-Azərbaycan sərhədində son günlər baş verən hadisələrlə bağlı bəyanat verərək Azərbaycan Ordusunu və Ali Baş Komandan İlham Əliyevi dəstəklədiklərini bildiriblər.

Azərbaycan Karate Federasiyasından Trend-ə verilən məlumata görə, bəyanatda deyilir:

"Artıq 30 ilə yaxındır ki, doğma Qarabağımız Ermənistan Respublikasının işğalı altındadır. BMT Təhlükəsizlik Şurasının məlum dörd qətnaməsindən tutmuş Avropa İttifaqına, Avropa Şurasına, İslam Əməkdaşlıq Təşkilatına və digər mötəbər beynəlxalq təsisatlara qədər, bütün sivil dünya Qarabağın Azərbaycanın ərazisi olduğunu və Ermənistan tərəfindən işğal edildiyini dəfələrlə rəsmi hüquqi sənədlərdə açıq mətnlə təsbit etmişdir. Beynəlxalq hüququn, beynəlxalq ictimai rəyin, ən başlıcası tarixi ədalətin və tarixi faktların birmənalı şəkildə Azərbaycanımızın yanında olmasına baxmayaraq, Ermənistan bu illər ərzində işğalçı və təcavüzkar mövqeyindən geri çəkilmir, əksinə hərbi təxribatlarını artıq Qarabağda deyil, Azərbaycan-Ermənistan dövlət sərhədində - Tovuz istiqamətində davam etdirir.

İyul ayının 12-də düşmən təcavüzkar siyasətinə sadiq qalıb Tovuz rayonu istiqamətində növbəti hərbi təxribata imza ataraq iri çaplı silahlardan ərazilərimizi, mülki əhalinin məskunlaşdığı kəndlərimizi, faktiki mülki əhalini atəşə tutmuşdur. Erməni təxribatı nəticəsində 11 hərbi qulluqçumuz və bir mülki vətəndaşımız şəhid olmuşlar, yaralılarımız var. Şəhidlərimizə Allahdan rəhmət, qazilərimizə şəfa diləyirik.

Erməni təbliğatından hiddətlənən minlərlə həmvətənimiz, ilk növbədə gənclərimiz Ali Baş Komandanımız cənab İlham Əliyevə, Ordumuza dəstək və həmrəyliyini ifadə etmək üçün şəhər və rayonlarımızda kütləvi yürüşlər keçirmişlər. Bu yürüşün ən möhtəşəmi iyulun 14-də Bakıda keçirilmişdir. Həmin dəstək və həmrəylik yürüşündə bizlər də Azərbaycan vətəndaşı kimi iştirak etmişik. Ali Baş Komandan və Xalq birliyinin, Ordu və Vətəndaş həmrəyliyinin sübutu olan bu yürüşə bütün dövlət qurumları, xüsusi ilə Azərbaycan polisi əsl vətənpərvərlik göstərərək dəstək vermiş, nəinki bu tədbirə mane olmuş, əksinə özləri də vəzifələrini yerinə yetirməklə bərabər yürüşdə fəal iştirak etmişlər. Şəhidlər Xiyabanında, Şəhidlərimizin uyuduğu ən müqəddəs məkanda hamımız Prezident cənab İlham Əliyevlə, Ordumuzla son nəfərimizədək bir yerdə olduğumuzu, Qarabağımız işğaldan azad edilənədək düşmənlə döyüşməyə hazır olduğumuzu, Şəhidlərimizin qisasını mütləq alacağımızı həm işğalçı Ermənistana, həm də bütün dünyaya nümayiş etdirdik. Bir daha göstərdik ki, bizlər Xalqıq, başqalarının torpaqlarında gözümüz yoxdur, ancaq öz tarixi torpaqlarımızı-Qarabağımızı da heç kimə, heç bir gücə güzəştə getməyəcəyik, onu işğaldan mütləq azad edəcəyik, 30 ilə yaxın müddətdə davam edən status-kvo ilə qətiyyən barışmaq fikrində deyilik, bu məsələdə də Ali Baş Komandanımız cənab İlham Əliyevin və onun rəhbərlik etdiyi Ordumuzun, qəhrəman zabit və əsgərlərimizin arxasındayıq !

Bizlər bu gün bir həqiqəti də bilməliyik. Son erməni təxribatı nəticəsində verdiyimiz Şəhidlərin qanı Ali Baş Komandanımızın və Ordumuzun qətiyyəti sayəsində artıq yerdə qalmayıb və bu qisas şəhidlərimizin ruhu və milli mənliyimiz naminə Qarabağı azad edəcəyimiz günədək davam edəcək ! Biz ona da əminik ki, İlham Əliyev kimi iradəli və vətənpərvər Ali Baş Komandanı, yalnız qələbəyə köklənən Ordusu olan xalqımızın gözlədiyi həmin günə artıq çox yaxınlaşmışıq.

Təəssüf ki, iştirakçısı olduğumuz belə bir möhtəşəm yürüşün sonunda bir qrup gənc kimlərinsə təxribatına uyaraq, əksəriyyət Şəhidlər Xiyabanından dağılışdıqdan sonar Milli Məclisin inzibati binasına daxil olaraq ora ziyan vurmuş, yürüşdə bizlərlə həmrəyliyini göstərən düşmənin yox, öz polisimizin xidməti avtomobillərinə zərər yetirmişlər. Gəlin bir anlığa təsəvvür edək. Dünya telekanalları, sosial şəbəkələr bir tərəfdən Bakıda keçirilən, Dövlətimizə, Prezidentimizə, Ordumuza möhtəşəm xalq, millət dəstəyini əks etdirən video-süjetləri paylaşır, o biri tərəfdə isə düşmənimiz və onun havadarları bir qrup Azərbaycan gəncinin kimlərinsə ssenarisi əsasında törətdiyi təxribat səhnəsini nümayiş etdirir. Belə bir səhnə hər birimiz üçün utancvericidir, güddüyü məqsəd isə möhtəşəm birliyimizə kölgə salmaq cəhdi, düşmənlərimizin əlinə verilən fürsətdir.

Müstəqil Azərbaycanımızın müqəddəs bayrağını mötəbər idman yarışlarında ən yüksəyə qaldırıb, himnimizin sədaları altında müxtəlif millətlərdən olan insanların ayaq üstə bizlərin, yəni həm də Sizlərin, əslində isə doğma Azərbaycanımızın qələbəsini necə alqışladığını görüb bundan qürur duymuş həmvətənləriniztək bizlər bu müraciəti etməyi özümüzə borc bilirik. Torpaqlarımızın 30 ilə yaxın müddətdə işğal olunmasının əsas səbəblərindən biri də zamanında bu cür təxribatlara uymağımız, belə cəhdlərə imkan verməyimiz, müqəddəs Qarabağ şüarları və sədaları altında əslində isə hansısa qrupların hakimiyyət uğrunda apardıqları mübarizəyə göz yummağımız, biganə qalmağımız, kənardan seyr etməyimiz olub. Lakin bu gün artıq həmin dövr deyil və bizlərin bir daha belə təxribatlara imkan verməyə milli və mənəvi haqqımız yoxdur. Bu cür təxribatları pərdə arxasından təşkil edənlər, məkrli arzularla yaşayanlar birmənalı şəkildə bilsinlər ki, onların oyunları artıq işləmir, gənclərimizi hansısa təxribatda alətə çevirmək istəyənlər mütləq ifşa olunacaq və qanuni cəzalarına çatdırılacaqlar. Bu ona görə lazımdır ki, bu cür təxribatlar xalqımızı müqəddəs məqsədindən, Qarabağımızdan uzaqlaşdırır, yalnız düşmənin maraqlarına xidmət edir. Açıq və gizli düşmənlərimiz qoy bilsinlər ki, bizlər Xalqımızın, Ali Baş Komandanımız cənab İlham Əliyevin və qələbəyə köklənən Ordumuzun yanındayıq ! Qarabağımızın azadlığına aparan yeganə yol da yalnız bu yoldur !

Sonda, hər zaman olduğu kimi indi də Azərbaycanımıza öz dəstəyini açıq şəkildə ifadə etmiş qardaş Türkiyəyə, onun sivil toplumuna, başda Türkiyə Prezidenti cənab Ərdoğan olmaqla bütün rəsmilərinə, bu ağır günlərdə ölkəmizə dəstəyini ifadə etmiş bütün dövlətlərə, beynəlxalq təşkilatlara öz adımızdan təşəkkür və ehtiramımızı bildiririk!

Hörmətlə,

Ülvi Quliyev – Millət vəkili, Azərbaycan Karate Federasiyaları Assosiasiyanın prezidenti;

Füzuli Musayev – Karate üzrə 2 qat dünya çempionu, Qarabağ müharibəsi veteranı;

Həmdiyyə Məmmədov – Taekvando Federasiyasının baş katibi, Qarabağ müharibəsi veteranı;

Əhməd Hətəmov – Ənənəvi Karate Federasiyasının prezidenti;, Dünya çempionu;

Rəhman Hətəmov – Dünya çempionu, Azərbaycan Karate Federasiyasının vitse-prezidenti;

Oqtay Məmmədov – Veteranlar arasında Dünya çempionu;

Rəfael Ağayev – 5 qat Dünya və 11 dəfə Avropa çempionu;

Niyazi Əliyev – Dünya və Avropa çempionu;

Firdovsi Fərzəliyev – Avropa və İslam oyunlarının qalibi;

Fariz Nəcəfov – Şotokan Karate üzrə 7 qat Dünya çempionu;

Rəşad Hüseynov – Dünya və Avropa çempionu;

Ayxan Mamayev – Avropa çempionu və Dünya mükafatçısı;

Şahin Atamov - Avropa çempionu və Dünya mükafatçısı;

Mehman Eynalov – Ənənəvi karate üzrə Dünya çempionu;

Fuad Əliyev - Ənənəvi karate üzrə Dünya çempionu;

Seymur Hüseynov - Ənənəvi karate üzrə Dünya və Avropa çempionu;

Roman Heydərov – 4-cü İslam Həmrəyliyi oyunlarının qalibi;

Rafiz Həsənov - Avropa çempionu;

Nüranə Əliyeva – Avropa çempionu;

İlahə Qasımova – Avropa çempionu;

İrina Zaretska – Dünya və Avropa çempionu

Fəridə Abıyeva - 4-cü İslam Həmrəyliyi oyunlarının qalibi

Ceyhun Ağasıyev - Avropa çempionu

Rüstəm Mədətov - Avropa çempionu

Rafael Məmmədov - əməkdar məşqçi

Seymur Xudaverdiyev - Yeniyetmə və Gənclər milli komandasının böyük məşqçisi, əməkdar məşqçi

Anar Abdullayev – Yeniyetmə və Gənclər milli komandasının baş məşqçisi, əməkdar məşqçi

Denis Morozov – Qadınlardan ibarət milli komandanın baş məşqçisi

Anar Əhmədov - Kata üzrə milli komandanın böyük məşqçisi, əməkdar məşqçi

Vüqar Kərimov – Kata üzrə milli komandanın böyük məşqçisi, əməkdar məşqçi

Vahid Ayvazov - Kata üzrə milli komandanın baş məşqçisi, əməkdar məşqçi

Şahin Xudaverdiyev – Əsas milli komandanın böyük məşqçisi, əməkdar məşçqi

Qurban Tağıyev – Əsas milli komandanın baş məşqçisi

Akif Kərimov - Sumqayıt regional şöbəsinin rəhbəri, əməkdar məşçqi

Sahib Rzayev – Gəncə regional şöbəsinin rəhbəri, əməkdar məşçqi

Cahangir Babayev – Federasiyanın Baş hakimi, əməkdar məşqçi

Bikə Qurbanova – Federasiyanın meneceri

Sənan Məhərrəmov – Federasiyanın Mətbuat katibi, idman jurnalisti, Qarabağ müharibəsi veteranı

MirCabar Seyidov – Federasiyanın məsul katibi, əməkdar məşqçi

Cahangir Şahmuradov – İlk SSRİ çempionu, karate üzrə ilk idman ustası

MirƏli Seyidov – Azərbaycan Ciu-Citsu Federasiyasının prezidenti, Azərbaycanda karatenin banisi

Fərid Əsgərov – Federasiyanın 1-ci Vitse-prezidenti

Yaşar Bəşirov – Azərbaycan Milli Karate Federasiyasının prezidenti, əməkdar idman xadimi, 8-ci Dan Qara kəmər və Şöhrət ordeninin sahibi".



SON XƏBƏRLƏR

2020-09-25

19:19 Şuranın dətəklədiyi layihənin ilk seminarları Cəlilabad şəhərində keçirilib

19:06 Baş nazir təhsil müəssisələrində köçürmələrlə bağlı qərara dəyişiklik edib

17:57 Dövlət Komitəsi: İlin sonunadək məcburi köçkünlər üçün daha 5 yeni qəsəbə istifadəyə veriləcək

17:51 “Yüksəliş” müsabiqəsi Azərkosmos ASC-nin sədrinin təqdimatında "Liderlik və özünüidarəetmə" mövzusunda vebinar təşkil edib

17:49 Almaniya azərbaycanlıları ilə videogörüş keçirilib

17:46 Müddətli həqiqi hərbi xidmətə yola düşəcək çağırışçılar xidmət yerləri haqqında məlumatlandırılıb

17:42 YAP İcra Katibliyində “Sosial şəbəkələr: milli maraqlar, siyasi və mənəvi məsuliyyət” mövzusunda videokonfrans keçirilib

16:45 Toyların keçirilməsinə icazə verilərsə, qaydalar necə olacaq? - RƏSMİ AÇIQLAMA

15:54 Daha 3 rayonda 19 ev şəhid ailələri və Qarabağ müharibəsi əlillərinə təqdim edilib

14:37 Ceyhun Bayramov: Ermənistan silahlı qüvvələrini işğal olunmuş ərazilərdən nə qədər tez çıxararsa, bir o qədər tez münaqişə həll ediləcək

14:24 Qədim şəhərlərin qalıqlarının araşdırılmasındakı problemlər açıqlandı

13:15 Məcburi köçkünlərin mənzil-məişət şəraitinin yaxşılaşdırılmasına 42,5 milyon manat ayrılıb - Sərəncam

13:10 Azərbaycan Prezidenti: Ermənistan müharibəyə hazırlaşır

13:06 Prezident İlham Əliyev: Kəşfiyyat mənbələrimizdə məlumat var ki, çox ciddi hərbi hazırlıqlar gedir

13:03 Prezident İlham Əliyev: Region daha təhlükəsiz bir məkana çevrilməyib, vəziyyət mənfi məcraya doğru gedir

12:56 Təhsil Nazirliyi xaricdə təhsil alan vətəndaşlara müraciət edib

12:33 Əlahiddə Ümumqoşun Orduda “Ən yaxşı ştatdankənar kimya manqası” adı uğrunda yarış keçirilib (FOTO/VİDEO)

12:10 Ermənistan Qarabağa terrorçuları köçürür: ASALA-nın orada olması barədə faktlar var

12:01 Prokurorluq Bakıda ərini dərman verib yatızdıraraq öldürən qadınla bağlı məlumat yaydı

2020-09-24

17:05 Gürcüstan və Azərbaycan dövlət sərhədinin delimitasiyası məsələsi üzərində işləyir

16:48 Əli Həsənova Azərbaycan Prezidentinin fərdi təqaüdü verildi - SƏRƏNCAM

16:42 Kamran Əliyev prokurorluğun ictimai köməkçiləri ilə görüşüb (FOTO)

16:19 Milli Məclisin Sədri Sahibə Qafarovanın Rusiyaya rəsmi səfərinin yekunlarına dair məlumat yayılıb

16:10 Qeydiyyat 5 oktyabradək davam edəcək

16:07 QHT sədri: “Ermənilərin məqsədi açıq-aşkar görünür”

16:04 Məktəblərdə koronavirusla mübarizə üçün dəstək komandaları yaradılıb (FOTO)

15:44 Nərgiz Cəlilova AzTV-də yeni vəzifəyə təyin olunub

15:44 Mikayıl Cabbarov: “Daşkəsən” yatağı polad məhsulların istehsalı üçün böyük perspektiv vəd edir

15:41 Azərbaycanda 162 nəfər koronavirusa yoluxdu, 133 nəfər sağaldı, 1 nəfər vəfat etdi

15:39 İqtisadiyyat naziri Mikayıl Cabbarov “Daşkəsən” dəmir filizi və “Çovdar” qızıl yataqları ilə tanış olub

15:24 “Sadələşdirilmiş Bəyannamə - Elektron Ticarət” layihəsinin təqdimatı keçirilib (FOTO/VİDEO)

15:07 Milli Məclisin Müdafiə, təhlükəsizlik və korrupsiya ilə mübarizə komitəsi hesabat verdi (FOTO)

14:57 Qızını zəncirləyən atanın cinayət işi məhkəməyə göndərilib

davamı>> ÇOX OXUNANLAR

Eldar Həsənov beynəlxalq “İlin altın adamı” mükafatına layiq görülüb

Roza Zərgərli əməliyyat olunacaq

Amerikalı qadın cavanlaşmağın sirrini paylaşdı

Türkiyəli məşhur modelin acı günü: Səkkiz yaşlı oğlu öldü

İtaliya mətbuatı Prezident İlham Əliyevin “Qarabağ” yatağının dayaq blokunun dənizə yola salınması mərasimindəki fikirlərinə geniş yer ayırıb

“Araz” supermarketindən tort alırıq ki... ZƏHƏRLƏNƏK!?

İdman Product image

18:37 “Qarabağ” - “Molde” oyunu Kiprdə keçiriləcək

Product image

14:48 "Qarabağ"ın Çempionlar Liqasında rəqibi məlum oldu

Maraqlı Product image

17:35 Azərbaycan vətəndaşlarının daha çox hansı ölkələrə səfər etdiyi açıqlanıb

Product image

10:00 Avstraliyada meşə yanğınlarında milyarddan çox heyvan ölüb